Sicred Assistance sh.p.k.; përmbush rolin e saj këshillues me kompetencë dhe profesionalizëm sipas standardeve të vendosura nga legjislacioni në fuqi për çështjet e Sigurisë e Shëndetit në Punë.
Avantazhi, ynë është cilësia e punonjësve tanë dhe aftësia për të punuar në një ekip multi-disiplinar me përkushtim dhe përvojë profesionale. Ne ju ofrojmë njohuritë e fituara nga përvoja dhe idetë dhe shërbimet që ne ju ofrojmë, ju ndihmojnë të përmbushni kërkesat tuaja në pajtueshmëri me praktikën ligjore të gjithë-pranuar.

Auditim të praktikave tuaja të punës dhe rekomandime sipas rastit për të zbatuar standardin ligjor të zbatueshëm për Shëndetin dhe Sigurinë në punë.

Raporte me shkrim, për politikat rrezikut në mjediset e punës, si dhe rekomandime për ndërtimin e praktikave të sigurta të punës e vlerësimet e nevojshme të rrezikut.

Shoqëria ofron trajnime praktike për Dhënien e Ndihmës së Parë.

Shoqëria do të këshillojë në vijimësi subjektin tuaj lidhur me ndryshimet në legjislacionin e punës dhe për aq sa ai implikon procedurat e punës në aktivitetin tuaj..

Shoqëria ndihmon në analizimin, raportimin dhe menaxhimin e aksidenteve ose incidenteve të rënda të ndodhura në aktivitetin e mjediset tuaja të punës.

Sicred Assistance mund të ofrojë shërbimin e këshillimit bazuar mbi tarifa orare + TVSH për çdo kohë të shpenzuar për hetimin e aktiviteteve te ndodhura ne mjediset e punës dhe ose për shkak të punës sipas legjislacionit të punës në Republikën e Shqipërisë për Shëndetin dhe Sigurinë.

Sicred Assistance ofron shërbime këshillimi për zbatimin e legjislacionit të punës në fuqi, nëpërmjet një ekipi të përkushtuar profesionistësh të kualifikuar dhe me përvojë. Ju do të keni nga avokatët e shoqërisë mbështetje dhe këshilla të qarta ligjore. Këto shërbime në dispozicion për ju përfshijnë si në vijim:

Auditim, vlerësim e rekomandime me karakter këshillues ndaj procedurave tuaja të punësimit me synim zbatimin e standardit ligjor dhe praktikat më të mira të legjislacionit të Punës në Republikën e Shqipërisë.

Hartim dhe përgatitje të kontratave të punës për aktivitetin tuaj. Ne gjithashtu ofrojmë shërbimin e rishikimit dhe përditësimit për çdo kontratë pune që tashmë subjekti juaj ka në zbatim dhe në fuqi.

Këshillim e konsultime të pakufizuara në të gjitha aspektet e ligjit të punës, përfshirë riorganizimin e ndërmarrjes, pagat sipas niveleve, marrjen e masave disiplinore, zbatimin e lejeve, orëve të punës, kohës shtesë, pagesat për paaftësi dhe leje sipas legjislacionit në fuqi..

Aty ku do te jetë e përshtatshme, shoqëria do prezantojë me shkrim çdo përditësim që pëson legjislacioni i punës në Republikën e Shqipërisë si dhe ndikimet që kjo qasje mund të përcjellë në aktivitetin e biznesit tuaj.

Shoqëria do të përgatisë përgjigje me shkrim sipas kërkesës suaj për çdo korrespondencë tuajën me palë të treta, që ju si subjekt mund të merrni nga punonjësit e pakënaqur ose ish-punonjësit tuaj.

Sicred Assistance organizon periodikisht seminare për ‘tema specifike’ brenda fushës së legjislacionit të punës, në të cilat, ju jeni të ftuar lirisht të merrni pjesë.

Sicred Assistance ofron mundësinë e këshillimit të menaxhereve të burimeve njerëzore të entitetit tuaj me procedura të mirë shkruara.

SiCRED Assistance ofron mundësinë e përgatitjes së plotë të udhëzuesve për punonjësit tuaj në përcaktimin e standardeve dhe rregullave etike, disiplinore, kundër mashtrimit apo risqeve ndaj të cilave mund të ekspozohet aktiviteti juaj e sipas të cilëve pritet që punonjësit tuaj t’u përmbahen e zbatojnë.

Sicred Assistance mund të ofrojë mbrojtje të interesave tuaja para gjykatës apo organeve të tjera shtetërore lidhur me çdo mosmarrëveshje, përfshirë edhe mosmarrëveshjet e punësimit dhe çdo rrjedhojë që vjen prej tyre, duke siguruar shërbim në vijimësi nga korrespondenca fillestare e gjatë gjithë procedurës së ndjekur për rastin, sipas kërkesës.

Sicred Assistance mund të ofrojë trajnim për çështjet e shëndetit dhe sigurisë. Kjo është një mënyrë e përkryer për t’ju ndihmuar të angazhoni punonjësit tuaj në ndërgjegjësimin e çështjeve të sigurisë dhe shëndetit në punë, duke siguruar gjithashtu një mbrojtje më të mirë të biznesit tuaj nga kërcënimi i përgjegjësive civile..